8.27.2009

Tao...bakit ka ganyan?

Tayong lahat ay sadyang tao lamang,
Na nakakagawa ng mga kamalian,
Subalit bakit kapwa mo ay iyong sinisiraan,
At di inisip na siya’y marunong ding masaktan.

Bakit mo ba ginagawa ‘yan sa iyong kapwa?
Gayong ayaw mo ring gawin ito sa’yo ng iba,
Di mo ba naiisip na siya’y napapahiya?
Ng dahil lamang sa iyong paninira.

Isipin mong ikaw…ako…tayong lahat ay tao,
At tayong lahat merong isip at puso,
Subalit bakit mo hinuhusgahan ang kanyang pagkatao,
Gayong wala kang batayan kung ito nga ay totoo.

Ano ba ang kanyang naging kasalanan?
Bakit mo hinuhusgahan ang kanyang katauhan?
Naiinggit ka ba sa kanyang kagandahan?
Tao…bakit…bakit ka nga ba ganyan?

4 comments:

the donG said...

this is to crab mentality. dami pa ring pinoy ang ganyan.

witsandnuts said...

Nangyayari talaga yan. Cheer up!

upto6only said...

ganda ng poem mo and it's true kapwa pinoy na cya pa ang humihila sa iyo pababa

chubskulit said...

visiting you here..